عايزين ترجعونا ليه

عدد المساهمات : 49 تاريخ التسجيل : 23/09/2010

فى بدايات العام1980دخلت لبوابة السياسه وكنت أحد نجوم الظر فى المسطبه العجيبه بدار الثغر الحبيب
وتتلمذت على يد الفطاحله حسن مدنى وبكرى صالح وفتحى حسن يس وأبو اليمن ومن ثم تحولت إلى
القهوه وهناك كان الظر يحلو مع أحمد عبد الحفيظ وسيدى أدروب ومحمد أبو مريم ومحمد الأمين أبو طاهر
وحقيقة إستفدت من الجميع من أقصى اليمين إلى أقصى اليسار أخخخخ نسيت الفضل إدريس العباس
طبعاً مرضنى مرض وسبحان الله الأن هو من القرون الكبيره فى الإنقاذ ولكن عند رحولى لمدينة شندى
وجدت إهتماماتى تغيرت تماماً فلم تعد السياسه تثير فى أى حماس بل الأن صرت أجد نفسى فى
المواضيع الثقافيه وتصدق يا خالد شريف أنا فى شندى فى البدايه صنفونى شيوعى!!طبعاً الأن ان بدرس
دراسات عليا بجامعة السودان المفتوحه فى الفلكلور والتراث وقد وجدت فى شرق السودان كنز غير مكتشف
لكن اليوم إنفتحت شهيتى للظر فى السياسه وشدو حيلكم أن جاييكم وجهزو لى المسطبه

الأخ عماد كل عام وانت والاسرة جميعاً بخير وعافية اعاده الله علينا وعليكم باليمن والبركات

لم نكن اخي عماد من رواد السياسة وكنت انتمي لحزب (اللامنتمي ) كنت بيعداً عنها ولكن ... السياسة هذه الايام دخل كل فرد سوداني فيها غصباً عنو وذلك لما تمر به البلاد من محكات ومنحيات صناعية حيكت بعناية تامة ضد هذا الوطن الجميل .....

اجبرونا ان ندخل ونتابع السياسة ونحن نري ونسمع الأعداد الهائلة من القادة المؤجورين للعب دور في تفتيت وحدة السودان

عماد مازلنا نري فيك النموذج للشاب المثقف ثاقب النظرة عن فكر ودراية لذلك لا تحرمنا من تجاربك السياسية السابقة ورايك في مايدور الآن في السودان

عايزينك نرجعك تاني ولازم ترجع شيخاً وتلميذا نجيباً للاساتذة الذين ذكرتهم

ولا نغني ليك اغنية البلابل رجعنالك

تقبل مروري اخي عماد وكل عام وانت بخير

موضوع: الرجوع للسياسه الأحد نوفمبر 21, 2010 2:17 pm

[size=24]الاخ عماد تحياتى لك
[size=24]قلت لى بقيت تهتم بالثقافه وبطلت السياسه دى على انا يا عماد بس تكون لقيت الظر فى شندى ما سياسى عشان كده قلبت واكبر دليل لصحة كلامى لقيت الظر الشديد فى المنتدى سياسى قلبت عاوز تظز ثقافى فى شندى وسياسى فى المنتدى وكمان تقول انتظرونى جاييييكم البينتظرك منو الا يكون مجنون انا من اليوم حولت لباب الترحيب بالاعضاء الجدد كمان تعال الحقنى هناك عشان اخلى ليك المنتدى ذاتو لانو بصراحة انا وانت حتة واحده ما بتتحملنا الناس دى حتستسلم وتعلن الانفصال من داخل المنتدى (اقصد البرلمان) تقبل تحياتى وما راجع ليك ماتنتظرنى24

الاعزاء عماد وجمال وخالد لكم منى احمل تحية واطيب سلام..السلام عليكم ورحمة الله تعالى وبركاته...الاشتغال بالهم العام هذة الايام يعتبر لازم وواجب كل سودانى ينتمى لتراب هذا الوطن الغالى... كما تعلمون اخوتى ان بلادنا تتعرض لازمة حقيقية ومفصلية ومحوريه فى تاريخه الحديث... مرحلة تعتبر اهم من مرحلة اعلان الاستغلال..فيها تمحيص لمواقف الرجال.. وبلاء لاهل السودان..فى كيفية التعامل معها ومع مالاتها..وفيها ايضا اختبار لشريكى الحكم وقياس مدى التزامهما بالصالح العام...لاجل هذا وغيره حاولت ان اضع فى هذا المنتدى سوالا لايخرج من المعانى التى زكرناها وقصدت بذلك ان نجعل من انفسنا المسئولين عن حل هذا المشكل...ايمانا منى بمقولة نصف رايك عند اخيك.. وثقة منى فى ابناء الثغر العظيم... ورهانى باق ومستمر فى ان نتوصل بذلك لسنياروهات متعددة جميعها تصلح وترشد انشاء الله... عد ياعماد فالعود هنا احمد ولك الثواب انشاء الله..واشحذ الهمم اخى جمال وادعوا اخواننا للمشاركة وتغمس الادوار....واكمل اخى خالد البداية الموفقه وادعوا معك اخرين...فليوفقنا الله لما فيه خير البلاد وصلاح العباد.... منورين المنتدى وشكرا على الحراك الجميل.

» عايزين ترحيب شديد وبقوة بأبو عثمان
» [color=red][size=18]هام جداً جدا ادخلوا وشاركوا وبسرعة عايزين اقتراحاتكم للتظوير [/size][/color]