قال ليك (في جماعة من الخريجين) فتشوا شغل في أي مكان وما لقوا.....
واحد منهم جاتو فكرة قال يمشي جنينة الحيوانات يشتغل معاهم ...
مدير الحديقة قال ليهو: والله شغل ما في لكن ممكن تبقا لينا (قرد).. الخريج قال ليهو كيف أبقي ليكم قرد ؟؟؟
المسألة بسيطة (أصلو نحن عندنا قرد مات) نلبسك لبسة قرد من الصباح لحدي آخر اليوم ونديك مصاريفك 70 جنيه اليوم..
زولك الفكرة عجبتو ووافق ...
في يوم من الأيام ناس الحرس نسوا باب الأسد فاتح وفي نفس الوقت باب القرد برضو كان فاتح..
الأسد جاء داخل لي صاحبنا القرد..
زولك بقا يرجف ....ويرجف .... ويكورك ويصرخ بأعلي صوتو
الأسد قال ليهو: ما تخاف... أخوك خريج قانون.