وين يا خالد محمد ... والله عماد عوض باشا ده ليهو معانا تلاته يوم بس ده لو تمه معانا اسبوع كان الضحك شرطنا هسع دايرين لينا اي فكره عشان نبعدو عن المنتدي غايتو انا عندي فكره بت كلب ما تخر المويه بس عايزه بعض التعديلات و عايز اخوانا اصحاب العقول يساعدوني عشان انا اول واحد يصدقه و اصحاب العقول هم 1/ كمال جمبال 2/ ناجي 3/ خالد عبيدالله لا لالالا خالد عبيد الله ده ما من اصحاب العقول 4/ عبد العال 5/ حسن ادروب دفعتي ايوه دفعتي صحيح هو شاطر لكن شين عكسي انا تماما انا كنت بليد لكن سمح ايوه كانو بلغبوني الوسيم كنت نوارة الفصل و كنت الالفه بتاعهم لما اكون مافي الاستاذ يقول ليهم ولعو النور و بالمناسبه النور كان طوالي مطفي ما عارف ليه ..المهم الفكره العايزين نعمله في عماد عوض باشا نقول ليهو هاشم بدري مريض لان عماد بحبو جدا (الله اعلم) يقوم يسافر ليهو في جبيت يقعد معاه اربعه شهور الي ان يريد الله امرا كان مفعولا ومن ديك عماد يجن ( هاليت ) ونرتاح نحن من الفشافيش ولا شنو يا محمد عثمان ....