منتديات دار الثغر جبيت { الاجتماعي * الثقافي * الرياضي }
اهلا وسهلا بك عزيزي الزائر او العضو اتمنى قضاء امتع الاوقات

في رحاب منتدانا الوليد ودمتم في حفظ الله ورحايته


***الاداره***

منتديات دار الثغر جبيت { الاجتماعي * الثقافي * الرياضي }

منتديات دار الثغر جبيت الاجتماعي الثقافي الرياضي
 
الرئيسيةالتسجيلدخول

شاطر | 
 

 قصـة كرتونــة عماد عوض باشا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
أبو عثمان

avatar

ذكر عدد المساهمات : 17

تاريخ التسجيل : 05/08/2010

مُساهمةموضوع: قصـة كرتونــة عماد عوض باشا   الجمعة يناير 28, 2011 11:56 pm

الحبيب تكعيب عماد عوض باشا .. مولع جدا بالقراية منذ الصغر ، وبما اننى كنت امتلك كتبا كثيرة ومجلات بدأ عماد فى استلاف الكتب منى لقراءتها وارجاعها وكنت استلف ايضا منه بعض الكتب .. اقترح على عماد بان ندمج المكتبتين معا وتصبح مكتبة واحد وبعد ان فلح فى اقناعى بذلك احضر كتبه فى كرتونة وجلسنا ونظمنا جميع الكتب فى دولاب وبدأنا بالقراءة وكان يحضر لى فى البيت جوار نادى الثغر يوميا 100 مرة عشان يرجع كتاب او ياخذ اخر او يطمئن على الكتب ..
اخيرا قررت فصل المكتبة وكل واحد ياخذ كتبه .. وطبعا رفض عماد الفكرة وعارضها بشده .. وعند الحاحى وتمسكى بذلك اقتنع على مضض .. وجلسنا لكى نفرز الكتب وكل واحد ياخذ كتبه .. ولكن حبيبنا ود الباشا بدأ فى المشاكل بالسلبطة فى بعض كتبى والمغالطة بشده بانها له ويحاول تذكيرى باليوم الذى احضرها فيه .. ورغم اقتناعى بانها لى لمعرفتى التامة بكتبى كنت اوافق املا فى فصل هذه المكتبة وشبك عماد.. وبعد ان فرزنا الكتب تماما قال لى احضر لى كرتونتى لكى اضع فيها كتبى وقمت باحضار كرتونة له ولكنه رفض ذلك بحجة انها لست كرتونته التى احضر فيها الكتب وعلى احضار نفس كرتونته .(رغم علمه التام باننى قمت برمى الكرتونة بعد افراغ محتوياتها فى الدولاب ).. . ياعماد هذه كرتونة وجديده واحسن من كرتونتك مائة مرة .. ولكن عماد حلف بالتقطعوا ما يشيل فيها .. وبعد مناقشات طويلة جدا وبعد سل روحى وضع شرطان لحل هذه المشكلة :
الشرط الاول : ننسى موضوع الانفصال ونقوم بدمج المكتبتين من جديد
تم رفض هذه الشرط مباشرة منى
الشرط الثانى :اعطاءه بعض الكتب تعويضا له عن كرتونته الضائعة فى منزلنا
قمت بالموافقة على ذلك واختار عماد كم كتاب تعويضا عن كرتونته وحمل كتبه فى الكرتونة التى احضرتها له وغادر..
* بالله ياناصر وخالد شريف فى شبك اكثر من شبك ود الباشا.. والله كل ما اتذكر القصة دى اقعد اضحك براى..
* عمر البشير دا ماعندو كرتونة عند سلفاكير يقوم ويشترط عليه عدم الانفصال الا كان جاب ليهو كرتونتو...
* للاخ عماد الكثير من القصص والمواقف الطريفه وايام سنكات الثانوية العامة وسمعة بتاع الرتاين ومطعم كرفاس وغذاء يوم الجمعة وشجرة اللبخ وياسر احمد العالم (ابو عيون عسلية) وعصمت على ابراهيم وعمر باسبيرو وسالم كاو .. وتضامنا منى مع الكيشه ناصر حمودة سوف اوافيكم بكل طرائف ود الباشا..
* تحياتى القلبية الخالصة للحبيب تكعيب والصديق العزيز والزميل عماد عوض باشا من على البعد...
الرجوع الى أعلى الصفحة اذهب الى الأسفل
عماد عوض أحمد باشا



ذكر عدد المساهمات : 49

تاريخ التسجيل : 23/09/2010

مُساهمةموضوع: الليله يا انا ودسلطانه جانى   الأحد فبراير 06, 2011 10:52 pm

ده شنو ده يا جمال كمبال انا أعترض ناصر حموده بقى يجيب قوات أجنبيه عاطف عثمان الامين ده جبتوه من وين؟ طبعا كده المباراة بينى وبين
ناصر بقت غير عادله وعاطف ده لاعب درجه اولى لانو عارف كل الخفايا
على كل حال يجب ان اعترف بأن دموعى قد سالت وأنا ارى عاطف بيننا فهو من الشخصيات التى لها مكانه خاصه ولدينا تاريخ مشترك فهو
الصديق الذى تعلمت عنده الكثير تعلمت حب الإطلاع فقد كانت مكتبة اخيه عامر الزاخره هى زادنا فى ذلك الزمان كتب المغامرين الخمسه وأرسين لوبين والهارب ومجلات ميكى وسمير ومجلات سمر وغيرها وساظل ما حييت أذكر لعاطف انى تعلمت من بيتهم الكثير واسرة عثمان الامين هى
أروع الأسر التى سكنت جبيت وتكمن روعتهم فى انها اسره كلها مواهب واسره طيبه كان الجميع يحبهم وبرحيلهم من جبيت فقدت حلة الجامع
ركن من اركانها وياعاطف ده ما كسير تلج عشان تخلينى وانا سعيد بوجودك فى المنتدى واتمنى ان يظهر البقيه من أبناء جبيت معنا هنا ونحن نأمل ان يكون هذا المنتدى راكوبه كبيره تجمعنا كلنا طبعا ياعاطف أبوعيون عسليه ود العالم موجود فى بورسودان وتلفونه0912361003 بس المشكله ود سروره ده القصص بتاعتو كلها درير ماتنكتب وناصر حموده معجب جدا بقصة ودالعالم مع إبراهيم السقا رحمه الله وعنوانها أنا بذات نفسى ....
والبقيه يحكيها ليك ناصر بالتلفون
عاطف رجاء أدخل فى القسم الإجتماعى وإضافاتك على موضوعى عن الحبيب جعفر حسن
الرجوع الى أعلى الصفحة اذهب الى الأسفل
 
قصـة كرتونــة عماد عوض باشا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دار الثغر جبيت { الاجتماعي * الثقافي * الرياضي } :: قسم النكات والمواقف الحرجه ^_*-
انتقل الى: