منتديات دار الثغر جبيت { الاجتماعي * الثقافي * الرياضي }
اهلا وسهلا بك عزيزي الزائر او العضو اتمنى قضاء امتع الاوقات

في رحاب منتدانا الوليد ودمتم في حفظ الله ورحايته


***الاداره***

منتديات دار الثغر جبيت { الاجتماعي * الثقافي * الرياضي }

منتديات دار الثغر جبيت الاجتماعي الثقافي الرياضي
 
الرئيسيةالتسجيلدخول

شاطر | 
 

 هضربة مشوكش

اذهب الى الأسفل 
كاتب الموضوعرسالة
ابو النجا البشير
مشرف
مشرف


عدد المساهمات : 324

تاريخ التسجيل : 13/08/2010

مُساهمةموضوع: هضربة مشوكش   الأربعاء سبتمبر 15, 2010 12:55 pm

لو قلت عنك بأنك قبيحة فقد كذبت أيتها الجميلة، لكنك وللأسف الشديد إنسانة انتهازية
باعتني لأول مشتري وبأبخس الأثمان.. هذا قدري وأنا أؤمن بالأقدار، ولولاها لما أحببتك،
فكما يقولون (الحب أعمى) وهذا ما حدث لي بالفعل، ولو كنت أملك أمر نفسي لما أحببتك
ولأحببت صديقتك هالة فهي تفوقك في كل شيء، في الخلقة والأخلاق، لكنني ماذا أفعل مع حظي
العاثر الذي رماني في امرأةٍ لا يوجد في قاموسها شيءٌ اسمه المشاعر والأحاسيس النبيلة.....
لكنكم لو تعرفون باعتني لمن لازداد كرهكم لها؟
باعتني لمغترب يكبرها بعشرين سنة يقال بأنه طيار.. ويعني شنو طيار؟ ما سواق طيارة زيو
وزي بقية السواقين الماليين البلد، لو كان بسوق طيارتو لمطار هيثرو أو غيرو يعني يفرق
شنو من السواقين البسافروا بورتسودان والأبيض ودنقلا؟ علي الأقل ديل بسافروا لمدن سودانية
نحبها ونحب ناسها.. وتانياً هو مغترب وين يعني؟ مغترب في فنزويلا ولا تركيا ولا كوبا ؟
ما مغترب ليهو في دولة أقامت علاقات تجارية مع إسرائيل.. يعني ممكن يكون شغال سواق طيارة
إسرائيلية وما بعيد يكون انضم لجمعية الصداقة السودانية الإسرائيلية بتاعة ناس تراجي مصطفى
البتكتب في منبر سودانيز أونلاين المنبر بتاع المعارضين بتاعين الضللة، ..
يعني شنو عريسك أب كرشة ده لو ساقك الخليج وعشت في الخير والنعيم؟ هل ممكن يحبك أكتر منّي؟
ما أظن.. عريسك أب صلعة الأشتر ده ما قادر يرقص معاك كويس، الموسيقى كانت في جيهة ورقيصو كان
في جيهة، عليك الله ده حاتتفاهمي وتتناغمي معاهو كيف؟ زول ما قادر يتناغم مع الأغنية معقول يتناغم
مع إنسانة شافها في بيت الجيران؟ عريسك ده قايلاهو لو طوّل خلاص، بعيش ليهو أكتر من خمسة أو ستة
سنوات؟
والله أنا خجلت من الفنان الجابو ليك في حفلتك.. فنان أشتر وما بعرف يغني، الحفلة كلها كانت عبارة
عن أغاني هابطة.. أغاني كلها أغاني جبجبة.. وأنا ما أظلم الفنان ربما يكون متضامن معاي وكان عاوز
يقول الليلة دي ما ليلة السقوط الأخلاقي وسقوط العهود والمواثيق بس، بل هي ليلة سقوط الفن السوداني
الأصيل.. وأنا في الأول نويت أخرب الحفلة لكين من لقيت فيها الفنان الأشتر ده قلت مافي داعي، الحفلة
براها خربانة وأحسن الناس تتفرج على ذوق العريس التعبان. عليك الله لو كان عندو ذرة من الذوق، كان
ممكن يرقص ويبشر ويسكسك سكسكتو الشتراء دي؟
وأمك البلباصة البتحب القروش كانت تزغرد كل دقيقتين ومستلمة الحفلة التقول حفلة عرسها، نست كل
القروش الأكلتني مني، القروش الكسبتهن بتعبي وعرق جبيني.. نست كان كل يومين تلاتة ترسل لي أخوك
الصغيّر القاعد يجي الطيش في المدرسة.. يجيني في كل مرة: قالت ليك أمي عاوزة ليها خمسين ألف..
قالت ليك أمي عاوزة لي مية ألف.. نست كل شيء.. نست الفواكه والسمك واللحمة والكوارع والباسطة
وعصير التانك الكنت بجيبها ليهم كل يومين تلاتة..
أما أبوك الضلالي ده فعندي معاهو حساب طويل عريض.. المنافق كان طوالي ينادي لي تعال يا
أيمن يا ولدي.. بالله في زول بشكوش ولدو؟ أنا كان ما سجمان أناسب لي زول ضلالى.. ..
وإن شاء الله بركة الشيخ العليش كلكم يسوقوكم كوبر،.. إن شاء الله تطلّع روحكم يا مجرمين يا البتشوكشوا أبناء حلتكم.
الناس قالوا عوض حايبكي ويتأثر، لكين لما شافوني في الحفلة عرفوا إنو عثمان ولد ليهو
سبع.. لا بهموا شاكوش ولا بهموا ضياع القروش.. هيييع أنا أخوك يا رشا..
ونحن ناس أهلنا ربونا علي القناعة والصبر عند المصائب.. بس عندي كلمة للعريس إن شاء الله لما ترجع
الخليج تلقى روحك فنشوك بسبب الأزمة المالية العالمية.. يا سواق الطيارة يا متفلفس يا أبو نظارات..
وإنت يا العروس.. أنا ما بحقد عليك، لكين بتمنى من الله، أصلو ما تضوقي سعادة مع عريسك أب كرشة ده..
وفي النهاية بقول ليك إن شاء الله لما تكونوا مسافرين الخليج ما تلقوا حجز إلا في سودانير.. عشان
تلحقوا أمات طه..

الله أكبر عليكم.. يا أعداء الحب..


عدل سابقا من قبل ناجي محمد احمد البشير في السبت سبتمبر 25, 2010 6:48 am عدل 1 مرات
الرجوع الى أعلى الصفحة اذهب الى الأسفل
جمال كمبال
مشرف
مشرف
avatar

ذكر عدد المساهمات : 271

تاريخ التسجيل : 24/07/2010
المزاج تماااااام

مُساهمةموضوع: رد: هضربة مشوكش   الخميس سبتمبر 16, 2010 4:13 am

شكل الشاكوش جامد
الجن بيداوى كعبة الهضربة
شيخ العليش ده منو ؟ اوع يكون عليش بتاع جبيت بقى شيخ

تسلم الحبيب ناجي عجبتني الحتة دي شديد{ما مغترب ليهو في دولة أقامت علاقات تجارية مع إسرائيل.. يعني ممكن يكون شغال سواق طيارة
إسرائيلية وما بعيد يكون انضم لجمعية الصداقة السودانية الإسرائيلية بتاعة ناس تراجي مصطفى
البتكتب في منبر سودانيز أونلاين المنبر بتاع المعارضين بتاعين الضللة، البقى مسيطرين عليهو
الكيزان..
} في الحتة دي في فوت طارت كلتش

الرجوع الى أعلى الصفحة اذهب الى الأسفل
ابو النجا البشير
مشرف
مشرف


عدد المساهمات : 324

تاريخ التسجيل : 13/08/2010

مُساهمةموضوع: رد: هضربة مشوكش   الخميس سبتمبر 16, 2010 1:28 pm

الاخ جمال شكرا على مرورك الجميل...الشاكوش بعمل كتير...اسأل سرر رقد...


عدل سابقا من قبل خالد عبيد الله احمد في الإثنين سبتمبر 27, 2010 1:25 pm عدل 2 مرات
الرجوع الى أعلى الصفحة اذهب الى الأسفل
ناصر السر حمودة
Admin
avatar

ذكر عدد المساهمات : 101

تاريخ التسجيل : 23/07/2010

مُساهمةموضوع: اكرا شاكوش   الخميس سبتمبر 23, 2010 11:34 am

مغترب ما تقول لو تاني تقول نقول وحدة الترجمه و التعريب ولو تكتر معانا مصنع فزيانوس نقول يها مش
الرجوع الى أعلى الصفحة اذهب الى الأسفل
http://gapeet.yoo7.com
ابو النجا البشير
مشرف
مشرف


عدد المساهمات : 324

تاريخ التسجيل : 13/08/2010

مُساهمةموضوع: رد: هضربة مشوكش   السبت سبتمبر 25, 2010 6:52 am

قادوك ناصر....درير ناصر... اناسنون باديا.. هالى بروك..دريييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييير
الرجوع الى أعلى الصفحة اذهب الى الأسفل
ناصر السر حمودة
Admin
avatar

ذكر عدد المساهمات : 101

تاريخ التسجيل : 23/07/2010

مُساهمةموضوع: اون اورهالياب { محمد البشير اور }   الأحد سبتمبر 26, 2010 9:25 am

آي ديت بروك مغترب تديا هالياب بروك نألت كيكي
الرجوع الى أعلى الصفحة اذهب الى الأسفل
http://gapeet.yoo7.com
جمال كمبال
مشرف
مشرف
avatar

ذكر عدد المساهمات : 271

تاريخ التسجيل : 24/07/2010
المزاج تماااااام

مُساهمةموضوع: رد: هضربة مشوكش   الثلاثاء سبتمبر 28, 2010 11:42 am

الحقنا ياحسن ادروب عايزين ترجمة ناصر وناجي قلبوها رضانة
الرجوع الى أعلى الصفحة اذهب الى الأسفل
 
هضربة مشوكش
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دار الثغر جبيت { الاجتماعي * الثقافي * الرياضي } :: قسم النكات والمواقف الحرجه ^_*-
انتقل الى: