ناس وناس (حلمنتيش)

ناس الشرق وانهيار مشروع القاش الزراعي !!
( ناس .. وناس) (1)
( أدروب )! .. ماهوكْ .. ماهوكْ
شد النّاقة ونادِي أخوك
ماهوكْ .. ماهوكْ ..
ناسك جوك
أوع نشوفك تاني بتزرع
روح بي غادي
وشجر المسكيت أوعك تقلع
غور لي كسلا وأكل (النيم)
خلي بهايمك تاكل الشوك
ماهوكْ .. ماهوكْ ..
يلا اتخارج سيب القاش
أمشي وطير محل ماماش
أوع تفكر ترجع تاني
ديل نادوك
ماهوك .. ماهوك ..
قطر السِّكة الكان يغشاك
قطر النقل الكان يرعاك
ديل كتلوهو وكتلوا ابوك
ماهوكْ .. ماهوكْ
ديل قصدوك
لازم تدفع
علشان تشبع
أوعك تحلم .. أوعك تطمع
مافي زراعة بدون دولار
مافيش موية بدون آبار
(غنمك أحلب) جاها دُرار
أحذر تاني تولع نار
دقيق الدوم معاهو لبن
بس مايكون حار
أحلى وأطعم يا أدروب
من الكافيار !!
( ادروب) ! ماهوك .. ماهوكْ .. ماهوكْ ..