منتديات دار الثغر جبيت { الاجتماعي * الثقافي * الرياضي }
اهلا وسهلا بك عزيزي الزائر او العضو اتمنى قضاء امتع الاوقات

في رحاب منتدانا الوليد ودمتم في حفظ الله ورحايته


***الاداره***

منتديات دار الثغر جبيت { الاجتماعي * الثقافي * الرياضي }

منتديات دار الثغر جبيت الاجتماعي الثقافي الرياضي
 
الرئيسيةالتسجيلدخول

شاطر | 
 

 حصل و لا ما حصل ؟؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ناصر السر حمودة
Admin
avatar

ذكر عدد المساهمات : 101

تاريخ التسجيل : 23/07/2010

مُساهمةموضوع: حصل و لا ما حصل ؟؟؟؟؟    السبت يوليو 24, 2010 7:49 am

<BLOCKQUOTE class="postcontent restore">
أكيييد حصل !!

قبال زمن ... فى ليلة من ذات الليالى المظلمة
الدنيا فى لون ( السكن ) ...
الحالة لابسة تياب وهن ..
ناموس يرارى ... و حر مولع و نارو هارى
الناس غلابة .. الناس تعابى ..
و كلهم
بعضا رقد ... و بعضا هجد ...
طقـّت ( بيابيي ) فى البلد ...
الناس جرت ... عيسنمتر ... كسنّمتر...
و كل الديوم الفوق ...
و شيتا من جهات بشمية ..
و أطراف بركج القبلى ...
ديم عبدالله ... و الطندب ...
و حتـّات وين ؟؟ و ين !!!
الكل ورد
عشمانة .....
بطنها قالوا من كتر ( العفار )
جـّف .... و برد ...
متعثرة ... متعثرة ... متعثرة ...
داياتنا وين ؟؟؟ هوي يا بلد !!!
حكيمن فات وين يا بلد ؟؟؟؟
- - - - - - - -
قالوا الرضينة مشت بعيد !
بتعـزّى .. فى حتّات بدين !
و تزور أخوها هناك ..
مساعد أوسطى فى وابور طحين !
- - - - - - -
و بدور مسافرة مع جناها ...
تكووس علاج ... بتدور دوا !
و وصفت كمان مشفى البلد ..
قالت : كلام فارغ ..
عمرنا لقينا لينا علاج مرض جوّا البلد!؟ ..
عدم ... عدم ...
و كلامنا ساااااااكت فى الهوا !
- - - - - - - - -
أمونة بت أبو زيد ... عفت
ساساقا .. دارت فى البلد ..
من حى تقومّار ... للقعب
لمـّن رجولها ... اتورّمت !
ركبت حمار ... ركبت جمل ...
و مشت كمان ... لمـّن حفت ..
و فى ... آخر المتمّة ...
أبت ... أبت
كل الولادات.. و المواليد.. و الشقى
قالت : خلاص ... عمرى انتهى ..
- - - - - - - -
باقى مين ؟ دكتورنا !
يا ... دكتورنا ... يا ....
قالوا مارق من عصر ...
ما قال لزول ح يكون بوين !
و لا حتى راجع يوم متين !
و فيييييييييين و فيييين ...
- - - - - - - - -
تامزين ... و ناس نفرين
و ناس كلتوومة .. و أم الزين
رقـّدوها ... و قـّوموها ... علقوها
و ربطّوها ... جرّحوها ... و ألّموها..
عافروها !!!!
سخّنوها ... و برّدوها .. لحدّما
بردت بصح !!!!!!!!!!!!!!!!!!!!!!!!
و كان آخر حراك شافوها أو سمعوها
من عشمانة ...
كحـّات خفففففففية ... اح .. اح !!!
- - - - - - - - -
جابت التومات ... زهور
حلاة عيون .. بلّور ... و نور
دررا ... تقول و الله حور
- - - - - - - -
طقّت ( بيابيي ) من جديد !!!
ود حاج سعيد
طلع الدرج ... درج المسيد ...
فاقد ... يشابب فى الحديد ...
عشمانة ...
ماتت يا بلد ... الرحمة فاتت يا ولد ..
- - - - - - - - -
و بعديييييييين !؟ بعدييييييين !!!!
قالوها :
عيييييين ... قالوا الحسد ... كان يومها ...
آآآآآآآه كان يومها ....
( ما أحنا عارفين يومها جا ) و لا حول و لا قوة الا بالله ...
رأس تنورة 21/6/2009 م </BLOCKQUOTE>
الرجوع الى أعلى الصفحة اذهب الى الأسفل
http://gapeet.yoo7.com
مدثر محمد علي عثمان



عدد المساهمات : 3

تاريخ التسجيل : 25/07/2010

مُساهمةموضوع: رد: حصل و لا ما حصل ؟؟؟؟؟    الأحد يوليو 25, 2010 1:35 pm

[bصح لسانك يابن البلد الاصيل
الرجوع الى أعلى الصفحة اذهب الى الأسفل
 
حصل و لا ما حصل ؟؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دار الثغر جبيت { الاجتماعي * الثقافي * الرياضي } :: القسم الاجتماعي-
انتقل الى: