منتديات دار الثغر جبيت { الاجتماعي * الثقافي * الرياضي }
اهلا وسهلا بك عزيزي الزائر او العضو اتمنى قضاء امتع الاوقات

في رحاب منتدانا الوليد ودمتم في حفظ الله ورحايته


***الاداره***

منتديات دار الثغر جبيت { الاجتماعي * الثقافي * الرياضي }

منتديات دار الثغر جبيت الاجتماعي الثقافي الرياضي
 
الرئيسيةالتسجيلدخول

شاطر | 
 

 أنـا الغلــــطان -للشاعر صلاح سيد احمد الغول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو النجا البشير
مشرف
مشرف


عدد المساهمات : 324

تاريخ التسجيل : 13/08/2010

مُساهمةموضوع: أنـا الغلــــطان -للشاعر صلاح سيد احمد الغول    الإثنين أغسطس 23, 2010 2:04 pm

يحكى الغول مناسبة القصيدة قائلا :
(أنني رددت على احد من منسوبي
إحدى الدول العربية على
الهاتف (بجملة نعم يا يا زول )
فرد علي مستاءً : بتقول زول
ليه شايفني لافي بتاعه على
دماغي فقلت له: (ما اظن عندك دماغ حتى تلف عليه البِتاعه)
و أنا الغلطان)
====================

تقول لي زول؟!
بقول ليك زول !!
مالو الزول؟
و انت بتعرف إيه للزول ؟
سخيف وجهول
كمان زعلان
خلاص يا سيدي أنا غلطان
شطحت وكنت فاكرك زول
زول الماهو عاجبك ده
الله الخلقو خلقو كده
سمرة لونو من لون طينو
يبقى الفرق بينك و بينو
إنو نضيف و ابيض قلبو
عارف قدرو شاكر ربو
ساتر عرضو ماسك دينو
مخلص أمين وديع و رزين
حشيم القول بديعو رصينو
لطيف وعفيف و كاتلو حنينو
أسد في الحاره
لابختاك و لابرجاك تجيو في عرينو
أكان بى حدره بادرتو
بيتلقاك بى عتره
وبستناك تقول الروب
قبل ما يشممك سكينو
يا بتوب يا بيوسدوك الطوب
والراجل يحمر عينو
كمان بى كلمه بتخاويهو
وبى بسمه بجيك خيرو
لا بتقدر تعيش من دونو
لا بتختاهو لى غيرو
زول الماهو عاجبك ده
بلا توجيه ولا تعليم
أديب و فهيم
هميم وكريم
و فطرة ربو من يوم خلقو
لا فتان و لا خوان
أخو أخوان
بكفي الألف و الألفين من الضيفان
و لو اضطر يرهن ولدو
و ان ما كفى
باع بيت أهلو و الجيران
زول الماهو عاجبك ده
يوم تحتاجلو بتلاقيهو
أكان ورطان وكان جيعان
و كان وجعان و كان سجمان
قبل تتأوه و تناديهو
يمين في أقل من برهه
و بين مد الألف و الها
قبل ناسك بجيك حفيان
بضمد جرحك و بداويهو
بكتل أبدرقه بى إيديهو
بطفي الواقده بى رجليهو
ما بتغباههو
لما تدورو بتلاقيو مكان حاريهو
اللافيبا راسو الزول
و متباهيبه إسمها عمه
سنة سيد الأسياد
المعصوم شفيع الأمه
و سيما الأوليا الزهاد
قلال الزاد كبار الهمه
و تاج العزة و الجبره
و رمز الطيبه و الحكمه
و الملفوف على المبروكه
إسمو التوب
لباس العفه و الحشمه
أزيدك من فضول القول
ولا خلاص عرفت الزول
ده جمل الشيل
دخري الحوبه
فارس العتمه ساري الليل
لبيب و زكي و نجيب بلحيل
فهيم فهماً يهد الحيل
تقول لي ما فهمت عليك عيد القتو لي تاني !
واجيب فهامه عاد من وين
كلامي القتو ألماني؟
أخير ليك تمشي تختاني
وتنسى الزول و تنساني
وفوت قبال تعاديني
و اقول اللوح ده عاداني
و يكفي الزول و يكفيني
إني و إنو سوداني
الرجوع الى أعلى الصفحة اذهب الى الأسفل
جمال كمبال
مشرف
مشرف
avatar

ذكر عدد المساهمات : 271

تاريخ التسجيل : 24/07/2010
المزاج تماااااام

مُساهمةموضوع: رد: أنـا الغلــــطان -للشاعر صلاح سيد احمد الغول    الإثنين أغسطس 23, 2010 2:32 pm

اهـ يازوووووول ياريق

كيف يكون الحال لو ما كنت سوداني وأهل الحاره ما أهلي
والله اخي ناجي القصيدة أعجبتني كثيراً وكلمة زول فيها عزتنا ، وهي تميزنا وكم احب ان يناديني الاجانب بهذه الكلمة لان احس انها تعطيني كينونتي وأنتمائي الذي اتشرف به ، وأعيب على بعض أخواننا المغتربين تضايقهم من كلمة زول مما جعل بعض الناس يقولها لك ليزهجك ، ولو اننا تقبلناها منهم باعزاز لما قالوها لنا من هذا الباب ، هي التي تميزني عن باقي الجنسيات الأخرى زيها زي العمة والجلابية التي نفاخر بها جميع الجنسيات بأننا لنا لباس وطني ...

اخي العزيز احب كلمة أحب ان يناديني بها هي كلمة زول
يازووووووووووووووول يارايق
تقبل المرور
الرجوع الى أعلى الصفحة اذهب الى الأسفل
ابو النجا البشير
مشرف
مشرف


عدد المساهمات : 324

تاريخ التسجيل : 13/08/2010

مُساهمةموضوع: رد: أنـا الغلــــطان -للشاعر صلاح سيد احمد الغول    الجمعة أغسطس 27, 2010 3:26 pm

شكرا جمال فتح العليم كمبال شكرا على مرورك الانيق يامبدع
الرجوع الى أعلى الصفحة اذهب الى الأسفل
احمد غازي
Admin
avatar

ذكر عدد المساهمات : 99

تاريخ الميلاد : 03/12/1969
تاريخ التسجيل : 23/07/2010
47
الموقع : السعوديه \جده
المزاج رايق

مُساهمةموضوع: رد: أنـا الغلــــطان -للشاعر صلاح سيد احمد الغول    الخميس سبتمبر 09, 2010 11:42 am

جزاك الله خير: الموضوع جدا جميل

_________________
<P>                            ادارة منتديات دار الثغر كاانت هنا!!!</P>
الرجوع الى أعلى الصفحة اذهب الى الأسفل
ابو النجا البشير
مشرف
مشرف


عدد المساهمات : 324

تاريخ التسجيل : 13/08/2010

مُساهمةموضوع: رد: أنـا الغلــــطان -للشاعر صلاح سيد احمد الغول    الخميس سبتمبر 16, 2010 1:35 pm

الاعزاء جمال واحمد غازى اشكركم على المرور والردود...حتما ستكون زادى للمواصله
الرجوع الى أعلى الصفحة اذهب الى الأسفل
 
أنـا الغلــــطان -للشاعر صلاح سيد احمد الغول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات دار الثغر جبيت { الاجتماعي * الثقافي * الرياضي } :: قسم دار الثغر(* الثقافي*)-
انتقل الى: