في ذلك الزمن سيتغير كل شي.
ستبلغ حبوباتنا درجه عاليه من التشرب بمعطيات التكنلوجيا فهيا ندخل في عالم حبوبات الالفيه الرابعه.....
قالت حبوبه رؤيه مخاطبه حاجه شاهيناز التي كانت منهكه في فرك الباميه المحوره جينيا ..والله ياحاجه شاهيناز انا ماعارفاكي بتفركي بي مفراكه الليزر دي الناس بفركوا بي المفراكه الكهرومغنط7سيه
ردت عليها حبوبه رؤيه وهي تطفو البوتوجاز الذي يعمل بنظريه الاوتار الفائقه_نسوي شنو يابت امي نحنا لسه مادخلنا في عصر الصرخه العلميه لكن اسكي ساي ماوريتك امس حاجه هيام بت هيثم ود لؤي عملت شنو؟نططت حاجه شاهيناز عيونها تهيؤا لاستقبال الشمار وقالت مالا؟!....انا عارفه دي واحده عندها(ضلالات عدميه)تلقاها
سوت عمله!!
اجابتها حبوبه رؤيه امس مشيت ليها كنت عايذه ثالث كرومات السايكوبالتيك عشان الخبيز لقيتا ليكي ماسكه اللاب توب بتاعه وعامله شات مع واحد من هضبه التبت تصوري
المره المابتخجل دي..قالت حاجه شاهيناز انا ذاتي كجنتها من ماسوت لينا القهوه في الجبنه المصنوعه من التيتانيوم يعني ماسمعت بي جبنه الالياف الضوئيه...حاجه رؤيه
والله صحي الماوس مابزيل بلم...وهن متواصلات في القطيعه والفشخره قالت حبوبه هيام تصورو ولدي المغترب في كوكب نبتوت جاب لي إنسان ألي يقطع دلي السلظه...حاج ميدو ود حماده زوج حاجه رؤيه كان متسنط خلف الباب رد عليهن وهو غاضب يانسوان قومو سوو الغداء إنشاء تنفجر بيكم قنبله الزيكولين تفرتق راسكن تريحكن من الفشخره دي ويصبو عليكن ماء الجوسبوكنيك عشان عضمكن مايتلقي